30.01.2019

Користење на информатичко-комуникациски технологии во деловните субјекти, 2018

Според податоците на Државниот завод за статистика, во 2018 година, 94.4 % од деловните субјекти користеле компјутер во својата работа.

Широкопојасен пристап на интернет преку фиксна конекција имале 81.5 % од деловните субјекти со десет или повеќе вработени.

Од вкупниот број на деловни субјекти, 53.9 % имале веб-страница или почетна страница. Од нив, 89.6 % на веб-страницата имале обезбедено опис на производите/услугите, ценовници, 51.7 % имале наведено линкови/референци до нивните профили на социјалните медиуми, а 21 % обезбедиле онлајн нарачување или резервирање.

Во однос на е-трговијата, 5,7 %, од деловните субјекти, со Е-продажба примиле нарачки преку компјутерските мрежи, а 4,4 % од деловните субјекти примиле нарачки за стоки или услуги, преку Веб-продажба.

15.08.2018

Користење на информатичко-комуникациски технологии во деловните субјекти, 2017

Според податоците на Државниот завод за статистика, од јануари 2017 година, широкопојасен пристап на интернет (преку фиксна или мобилна конекција) имале 91.2% од деловните субјекти со десет или повеќе вработени.
Пристап на интернет преку пренослив уред, употребувајќи мобилна телефонска мрежа (3G/4G), имале 63.0% од деловните субјекти. Ваков тип мобилна поврзаност на интернет (преку преносливи уреди: ноутбук, лаптоп, смартфон, телефон PDA итн.), за деловна намена, користеле 14.5% од вработените во деловните субјекти.
54.2% од деловните субјекти користеле социјални медиуми (на пр., Facebook, LinkedIn, Twitter, Present.ly, YouTube, Flickr, Picassa, алатки Wiki итн.), односно имале кориснички профил, сметка или лиценца за користење одреден социјален медиум.
Околу 49% од деловните субјекти имале веб-страница или почетна страница, од нив, 80% на веб-страницата имале обезбедено опис на производите/услугите, ценовници, 59% имале наведено линкови/референции до нивните профили на социјалните медиуми, а 21% обезбедиле онлајн нарачување, резервирање.
Во текот на 2016 година, 10.3% од деловните субјекти со 10 или повеќе вработени, имале е-трговија, односно купувале или продавале стоки или услуги преку компјутерски мрежи (преку веб или EDI), е-продажба реализирале 6.0%, а е-купувања имале 5.8% од деловните субјекти.

Анализа на ИКТ секторот

Во ИКТ секторот има 1.446 активни претпријатија (на крајот на 2013), каде работат 16.205 вработени или 2,4% од вкупната вработена работна сила (2Q 2014), кои придонеле 4,1% од вкупната додадена во земјата, или 288,3 €. Во 2013 година овој сектор извезол информатички услуги во вредност од 119,7 милиони € што претставува 13% раст во споредба со 2012 година. Просечната месечна исплатена нето-плата по вработен е 564 € (август 2014 година).

Анализа на ИТ секторот

Кога ќе се исклучи "К" (комуникаци) од „ИКТ“ тогаш повеќето од компаниите во ИТ секторот се концентрирани во Одделението 62: Компјутерско програмирање, консултантски и сродни активности.
ИТ секторот на крајот на 2013 година се состоел од 539 активни компании, од него 88% микро и 11% мали претпријатија, што претставува раст од 30% во текот на 2010 година. Овие компании вработиле 2.586 работници во 2013 година, што претставува пораст од 123% во текот на 2010 година и придонесува со бруто додадена вредност од 33,13 милиони € во 2011 година во Одделението 62 (10,7% од вкупниот ИКТ сектор), што претставува зголемување од 48% во споредба со 2009 година. Покрај ова, бруто додадената вредност по вработен во Одделението 62 било 13.530 € (2011), а просечната месечна плата по вработен во Секторот за 62 во август 2014 година била 738 €,што претставува пораст од 47% во текот на 2010 година.

Извозот на компјутерски услуги во 2013 година бил 52,4 милиони евра или 44% од вкупниот извоз на ИКТ во 2013 година. Просечната вредност на извозот по вработен во Одделението 62 била 18,100 € (2013).

Вредноста на извозот на компјутерски и информациони услуги во милиони долари, 2000-2013, според Светската трговска организација (2014) е следна: извозот на ИТ секторот се зголемил од 2010 до 2013 за речиси 70 пати или со сложена годипна стапка на раст (CAGR) од 38%.

К ористење на информатичко-комуникациски технологии во деловните субјекти

Според податоците на Државниот завод за статистика, од јануари 2016 година, широкопојасен пристап на интернет (преку фиксна или мобилна конекција) имале 93.8% од деловните субјекти со десет или повеќе вработени.
Пристап на интернет преку пренослив уред, употребувајќи мобилна телефонска мрежа (3G/4G) имале 69.3% од деловните субјекти. Ваков тип на мобилна поврзаност на интернет (преку преносливи уреди: notebook, laptop,
smartphone, PDA phone итн.), за деловна намена, користеле 14% од вработените во деловните субјекти.
52.5% од деловните субјекти користеле социјални медиуми (пр., Facebook, LinkedIn, Twitter, Present.ly, YouTube, Flickr, Picassa, Wiki-алатки итн.), односно имале кориснички профил, сметка или лиценца за користење на одреден социјален медиум. Повеќе на http://www.stat.gov.mk/PrikaziSoopstenie.aspx?id=76&rbr=2136

20.08.2015

Ве известувам дека Владата на Република Македонија, на својата седница одржана на 19ти август 2015 година, ја усвои Националната Краткорочна ИКТ Стратегија 2016-2017 и нејзиниот Акциски план.

Националната Краткорочна ИКТ Стратегија 2016-2017

Акциски план

1.09.2014

Информатичка технологија и реформа во јавната администрација

Владата ќе продолжи да ја имплементира Програмата за развој на информатичкото општество во која се опфатени основните столбови на Дигиталната агенда 2020 поставена за земјитe членки од Европската Унија и во таа насока ќе продолжи со инвестиците во информатичкото општество. Во оваа Програма предвидена е поддршка за поголемо учество и конкурентност на македонските ИТ-компании на Европскиот единствен дигитален пазар, воведување на единствени стандарди и интероперабилни системи на државните институции, максимална заштита на граѓаните и нивните лични податоци при користењето на Интернетот, воведување на супер брз Интернет со брзини од 100Мб/с, стимулирање на ИКТ истражувања и развој и подобрување на дигиталната писменост, способност и инклузивност. Целите за развој на информатичкото општество се:

- 80% од населението на Македонија до 2018 година да биде покриено со широкопојасен интернет

- бројот на домаќинства што користат интернет да се зголеми до 90% до 2018 година

- најмалку 33% од малите и средни фирми да продаваат свои производи онлајн до 2018

- да се намалат цените на рoаминг-услугите за граѓаните на Македонија

- да се зголеми бројот на електронски јавни услуги со висок степен на софистицираност.

( Повеќе )

Македонија 36-та во Европа, а на 60-то место во светот по користење на интернет (ВЕЧЕР)

Од ИТУ измериле дека македонскиот ИДИ изнесува 5,77. Во Европа сме на 36. место за 2013 година, а во глобални рамки на 60. место, но лани сме направиле скок од две места во однос на 2012-та. Со понизок развој на ИКТ од нашиот се Црна Гора, Турција, Босна и Херцеговина и на дното на листата е Албанија со ИДИ 4,72
Данска, Шведска и Исланд се на првите три места на листата на европски држави со највисок индекс ИДИ кој го мери развојот на информатичко-комуникациските технологии (ИКТ).
Овие северноевропски држави се и на врвот на глобалното рангирање за 2013 година, држејќи го првото, третото и четвртото место на ИДИ индексот кој комбинира 11 индикатори во една репер мерка која служи за следење и споредување на ИКТ во земјите во светот, односно за нивната развиеност и распространетост во користењето на информатичките технологии.
За споредба, данскиот ИДИ изнесува 8,86, Шведскиот е 8,67, а многу блиску е и исландскиот - 8,64.
Овие бројки се содржани го годишниот извештај на Меѓународната телекомуникациска унија (ИТУ) при ОН, каде е подготвен список на земји кои имаат најголем број интернет-корисници по глава на жител, како и држави во кои интернетот најбрзо се шири.
Според овој извештај, европскиот просек на ИДИ е 7,14.
Каде се наоѓа Македонија во оваа конкуренција.
Од ИТУ измериле дека македонскиот ИДИ изнесува 5,77 и со тоа се наоѓаме во долниот дел од табелата.
Во Европа сме рангирани на 36. место за 2013 година, а во глобални рамки на 60. место, но лани сме направиле скок од две места во однос на претходната година.
Со понизок развој на ИКТ од нашиот се Црна Гора, Турција, Босна и Херцеговина и на дното на листата е Албанија со ИДИ 4,72.
Босна и Херцеговина иако е во долниот дел на ранг-листата, во 2013 година има направено најголемо подобрување од сите европски земји споредено со 2012 година и тоа со скок од 74. на 69. место.
Но, има и европски земји со пад на ранг-листата на индексот ИДИ. Кај Полска падот е седум места, Црна Гора е шест, Грција и Португалија паднаа за четири места, а Хрватска, Кипар и Чешка за три места и го загубија чекорот со земјите од Заедницата на независни држави, Северна и Јужна Америка, како и регионот на арапските држави чиј развој на ИКТ оди нагоре.
Инаку, три милијарди луѓе во светот моментно користат интернет, а Данска е земја со најбрза стапка на раст на нови корисници по глава на жител.
До крајот на оваа година околу седум милијарди луѓе ќе користат мобилен интернет, што е всушност еквивалентно на бројот на луѓето во цел свет.
Иако мобилниот интернет е од клучно значење за оние кои живеат во рурални и неразвиени подрачја, голем дел од овие седум милијарди се корисници кои имаат повеќе профили и живеат во економско силни општества.
Пристап до интернет од дома имаат три четвртини од европските домаќинства.
Највисока пропорција на домаќинства приклучени на Интернет се наоѓаат во Исланд (96%), Луксембург (95%), Холандија (95%) и Норвешка (94%).
Албанија е последна со 22% пенетрација на домаќинства со пристап на интернет.
Безжичниот широкопојасен интернет е достапен во секоја европска земја, а големо мнозинство на земјите имаат стапка на пенетрација од над 50%.
Води Финска со 123,4%, Шведска 110% и Данска 107%, додека Албанија, Унгарија, Босна и Херцеговина се со најниски стапки.
БиХ има најголем раст на пенетрацијата на безжичен интернет од 12% на 24% во однос на 2012 година, во Македонија растот е од 19% на 28%.
Пенетрацијата, пак, на фиксниот широкопојасен интернет во регионот изнесува 27% на крајот на 2013 година, а глобалниот просек е 9%.
Сите балкански земји се над европскиот просек, исклучок е само Албанија каде само 6% од домаќинствата користат фиксен широкопојасен интернет.

Број на активни деловни субјекти, 2013 година

Според податоците на Државниот завод за статистика, бројот на активните деловни субјекти во Република Македонија во 2013 година изнесува 71 290.
Најголемо учество во структурата имаат секторите: Трговија на големо и трговија на мало; поправка на моторни возила и мотоцикли со 25 429 субјекти или 35.7% и Преработувачка индустрија со 7 918 субјекти или 11.1%.
Најмала застапеност имаат секторите: Рударство и вадење на камен со 164 субјекти или 0.2% и Снабдување со електрична енергија, гас, пареа и климатизација со 132 субјекти или 0.2%.

Во секторот Информации и комуникации има 1 446 субјекти со 2,0 % учество во вкупната структура.

Податоците за структурата на активните деловни субјекти според бројот на вработени покажуваат дека најголемо учество од 85% имаат деловните субјекти со 1-9 вработени. Потоа следат деловните субјекти без вработени или субјекти со неутврден број на вработени (без податок за вработени) со 6.2%, па субјектите со 10 - 19 вработени со 4.2%, потоа субјектите со 20-49 вработени чие учество изнесува 2.5 %, со 1.8% учествуваат субјектите со 50-249 вработени и само 0.3% од активните деловни субјекти имаат над 250 вработени.

Користење на информатичко-комуникациски технологии во деловните субјекти во 2013 година

Според податоците на Државниот завод за статистика, во јануари 2013 година, широкопојасен пристап на интернет (преку фиксна или мобилна конекција) имале 91.5% од деловните субјекти со десет или повеќе вработени.

Пристап на интернет преку мобилна конекција (широкопојасна или друг вид на мобилна конекција) имале 43.8% од деловните субјекти, 57.4% од деловните субјекти за своите вработени обезбедиле далечински пристап до системот на е-пошта, документите или апликациите на претпријатието, а 41.0% на своите вработени им обезбедиле преносливи уреди со кои се овозможува мобилна конекција на интернет за деловна употреба.

Во јануари 2013 година, 32.4% од вработените во деловните субјекти со 10 или повеќе вработени при вршењето на работните задачи користеле компјутер најмалку еднаш неделно, а 26.1% од вработените, најмалку еднаш неделно користеле компјутер со пристап на интернет. Преносливи уреди (пр., notebook, laptop, smartphone, PDA phone), кои овозможуваат мобилен пристап на интернет, за деловна употреба користеле 6.6% од вработените.

Употребата на социјалните медиуми, како социјални мрежи, блогови, веб-страници за споделување на мултимедијална содржина (пр., Facebook, Twitter, YouTube, итн.), или wiki-алатки за споделување знаење, била застапена кај 36.2% од деловните субјекти.

Новите земји во ClickAttack Q извештајот

Скопје, 23 април 2013 (МИА) - Што е ново во мобилното огласување за 2013 година во Југоисточна Европа? Еден од новитетите е ширењето на ClickAttack во земјите од регионот. Заради таа причина во најновиот извештај за првиот квартал од годинава се објавени трендовите и статистиката не само за Хрватска, туку и за Босна и Херцеговина и Македонија.

Првпат може да се спореди мобилното огласување во земјите од Југоисточна Европа. Дали трендовите се исти во сите земји? Или ве очекува изненадување? Што е со таблетите? Дали расте нивната популарност во регионот? Q1 извештајот нуди одговори на ова, но и многу други прашања, но најдобро е да откирете сами!

Уште една новина во ClickAttack Q-извештајот е споредбата на користење на мобилниот интернет по ден и час во сите три земји, информација која е витална во планирањето на вашите мобилни кампањи. Се ова, а и многу повеќе, можете да најдете во ClickAttack Q 1 извештајот: http://www.clickattack.com/q-report/

РАЗВОЈОТ НА ИКТ СЕКТОРОТ ВО СВЕТОТ - информацијата е објавена во Бизнис ИНФО број 74, на стр 32

ЕЛЕКТРОНСКАТА ТРГОВИЈА И ИНТЕРНЕТОТ ВО МАКЕДОНИЈА

Според последното објавено соопштение на Државниот завод за статистика од оваа област, во Република Македонија, во јануари 2012 година, 87% од деловните субјекти со 10 и повеќе вработени имале широкопојасен пристап на интернет. Во јануари 2012 година, 33% од вработените во деловните субјекти со 10 или повеќе вработени при вршењето на работните задачи користеле компјутер најмалку еднаш неделно, а 28% од вработените, најмалку еднаш неделно користеле компјутер со пристап на интернет. Приближно една четвртина (26%) од деловните субјекти, на своите вработени, за деловна употреба, им обезбедиле преносливи уреди со кои се овозможува мобилна конекција на интернет, а 36% за своите вработени обезбедиле далечински пристап до системот на е-пошта, документите или апликациите на претпријатието. Евидентирано е дека 17% од деловните субјекти (10+) имале вработено лица со специјалистички вештини за ИКТ/ИТ. Најголем процент на вработување на специјалисти за ИКТ/ИТ е забележан кај големите претпријатија со 250 или повеќе вработени (62%). Повеќе >>>

27.12.2018
ПОТРЕБЕН Е ПРИМЕНЛИВ ЗАКОН ЗА АУДИО И АУДИОВИЗУЕЛНИ МЕДИУМСКИ УСЛУГИ

Согласно најавата за седница бр. 78 на Собранието на Р. Македонија, закажана на 28.12.2018 година во 13:00 часот, на која на дневен ред е единствена точката: Дополнет Предлог-закон за изменување и дополнување на Законот за аудио и аудиовизуелни медиумски услуги (понатаму ЗААВМУ) - II читање, операторите на јавни комуникациски мрежи кои реемитуваат програмски сервиси (понатаму: оператори), на 27.12.2018 година, одржаа состанок на покана на Здружението на информатичко-комуникациски технологии при Стопанската комора на Македонија http://www.mchamber.org.mk/(S(0cle5c45e2v04vyyizb5up55))/default.aspx?lId=1&mId=55&evId=35795

14.11.2018

РАЗВОЈНА КОМПОНЕНТА НА ЗАКОНСКИ РЕШЕНИЈА ОД ЕКОНОМСКАТА ОБЛАСТ

На 14.11.2018 година, Здружението на информатичко-комуникациските технологии при Стопанската комора на Македонија одржа седница и расправаше за предложените закони од економската и финансиската област, што се од интерес на членките од ИТ-секторот. http://www.mchamber.mk/(S(qt3jhb453qkslq45jdbzrr45))/default.aspx?mId=69&lId=1&smId=10

02.04.2018

Применливи решенија преку амандмани на Предлог-измените и дополнувањата на Законот за аудио и аудиовизуелните медиумски услуги

На 2.4.2018 година, Здружението на информатичко-комуникациските технологии при Стопанската комора на Македонија одржа седница и расправаше за поднесените Предлог-измени на Законот за аудио и аудиовизуелни медиумски услуги http://www.mchamber.org.mk/(S(hssb0jn1slhglzrijyuons55))/default.aspx?lId=1&mId=55&evId=35351

17.05.2017

Здружението на информатичко-комуникациските технологии со кабелските оператори бараат намалување на оптоварувањата

Здружението на информатичко-комуникациските технологии на 17.5.2017 година одржа состанок во Стопанската комора на Македонија со претставници на кабелските оператори, во врска со проблемите со високите финансиски оптоварувања со кои се соочуваат компаниите - кабелските оператори во Република Македонија. Повеќе на http://m.mchamber.mk/(S(4jqo0pjsatnximvsqcthxvyr))/default.aspx?lId=1&mId=55&evId=34738

07.03.2017

Соработка на Здружението на ИКТ за воспоставување Центар на извонредност

На 7 март 2017 година претседателот на Здружението на информатичко-комуникациските технологии при Стопанската комора на Македонија имаше состанок со претставници од „PwC“ од Луксембург. Цел на средбата беше размена на мислења во врска со Студијата на изводливост (физибилити студија) за воспоставување Центар на извонредност (Centre of Excellence), кој би ги покривал земјите од Западен Балкан.

Студијата е финансирана од страна на Европската инвестициона банка (ЕИБ), а фокусот на студијата е на иновации во две области: Информациски и комуникациски технологии и Обновливи извори на енергија и енергетска ефикасност.

Целта на студијата е да ја процени можноста за основање регионален Центар, кој би го поттикнал развојот на применети истражувања во рамките на еден регионален еко-систем, преку проценка на иновацискиот капацитет и потенцијал на постојните институции; подготвеност и желба на институциите за придонес во развојот на регионален Центар на извонредност, како и моделот за управување и финансирање на Центарот на извонредност.

Господинот Благој Христов, претседател на Здружението на информатичко-комуникациските технологии, укажа на неопходноста од правилна процена на улогата на сите институции посветени за поддршка на истражувањата, развојот и иновациите на еко-системот во Република Македонија и во регионот. Потоа, укажа дека треба да се дефинираат секторите за поддршка на иновативни решенија и применети истражувања, за претприемништвото во регионот и заокружување на локалните прописи за поддршка на стартап компании и младите претприемачи.

На средбата беше потенцирана сегашната фаза на соработка на индустријата и академските институции во регионот, потенцијалот за развој во областа на ИКТ и другите сектори, во насока на создавање простор за градење на капацитетите преку применети истражувања, со цел да се придонесе за развој на регионот.

07.11.2016

Недостиг на ИТ кадар

Компаниите од секторот на информатичко комникациските технологи во Република Македонија покажаа голема мобилност, прилагодливост и спремност да се справат со предизвиците за зајакнување на своите услуги и трговијата со своите клиенти во Република Македонија, преку постојаното пратење на современите ИКТ трендови и намалувањето на јазот на совладани корисни компјутерски вештини. Од одговорите на новинарски прашања, повеќе на...

http://www.novamakedonija.com.mk/NewsDetail?title=Хроничен-недостиг-од-програмери&id=f1f0f389-443a-46c7-86d2-f2ccfca70811

19.10.2016

Кабелските оператори бараат реална пазарна вредност на цените на услугите

Здружението на информатичко-комуникациските технологии на 19. 10.2016 година одржа состанок во Стопанската комора на Македонија со претставници на кабелските оператори, во врска со проблемите со високите финансиски оптоварувања со кои се соочуваат компаниите – кабловски оператори во Република Македонија. Повеќе на http://www.mchamber.mk/(S(vpolq155052m1145bo1t5t45))/default.aspx?lId=1&mId=55&evId=34209

29.01.2016

Здружение на информатичко комуникациски технологии - ЗАГРИЖУВАЧКИ НЕДОСТИГ НА СТРУЧЕН КАДАР

Здружението на информатичко комуникациските технологии, на седница на 29.01.2015 година, го разгледа текстот на Актуелните состојби и проблеми во работењето на компаниите од информатичко комуникациските технологии, со посебен осврт за дефинирање на приоритетните активности за 2015 година. Присутните ги истакнаа најзначајните точки на кои ќе треба да се работи во текот на 2015 година.

Постигнатите резултати во секторот, што се објавени и во Годишниот извештај на Меѓународната телекомуникациска унија (ИТУ) при ОН, укажуваат дека Република Македонија е на 36-то место во Европа според бројот интернет-корисници по глава на жител, како и држави во кои интернетот најбрзо се шири. Во глобални рамки, Република Македонија според овие параметри е на 60-то место.
Безжичниот широкопојасен интернет е достапен во секоја европска земја, а големо мнозинство на земјите имаат стапка на пенетрација од над 50%, додека во Македонија растот е од 19% на 28%.
Бизнис-секторот е засегнат од квалитетот на ИКТ-кадарот, како и од нивниот одлив во странство. Веќе долго време има недостиг од кадар со специфични способности и вештини http://www.mchamber.mk/(S(vdu2vx55wdt2tsb0sfpb1045))/default.aspx?lId=1&mId=55&evId=28642

03.11.2014

Здружение на информатичко-комуникациски технологии - ГЕРМАНСКА ИТ-КОМПАНИЈА ЗАИНТЕРЕСИРАНА ЗА СОРАБОТКА НА ПОЛЕТО НА РАЗВОЈ НА АПЛИКАЦИИ

Здружението на информатичко-комуникациски технологии при Стопанската комора на Македонија и Агенцијата за странски инвестиции и промоција на извозот на Република Македонија, на 3.11.2014 година организираа билатерални средби на германска ИТ-компанија со седиште во Берлин и заинтересираните македонски ИТ-компании.
http://www.mchamber.mk/(S(tedvzh45s1wspbzmhjzzgv45))/default.aspx?lId=1&mId=55&evt=2&evId=27507

19.09.2014

Во континуитет продолжуваат постојаните контакти на Здружението на информатичко-комуникациските технологии при Стопанската комора на Македонија со претставниците на Светската банка. На 19 септември 2014 година, се одржа уште една работна средба на Благој Христов, претседател на Здружението со Мисијата на Светската банка. Основни теми на состанокот беа: http://www.mchamber.mk/(S(2owjh3adzgq3g555rvlmo155))/default.aspx?lId=1&mId=55&evId=26835

19.06.2014

Претставници на Светска банка на работна средба со г-дин Благој Христов, претседател на Здружението на информатичко комуникациските технологии во Стопанската комора на Македонија - ПОБАРАНА ТЕХНИЧКА ПОМОШ ЗА ИМПЛЕМЕНТАЦИЈА НА ИНОВАТИВНИТЕ РЕШЕНИЈА И ЗА РАЗВОЈ НА ЧОВЕЧКИТЕ РЕСУРСИ http://www.mchamber.mk/(S(iypff045gqskoobqbuuyir45))/default.aspx?lId=1&mId=55&evId=26018
На средбата се разговараше на теми поврзани со местото на информатичко комуникациските технологии во развојот на македонската економија и примената на иновативните светски решенија и развојот на човечките ресурси во секторот во Република Македонија.

23.4.2014

Заеднички состанок на Здружението на информатичко-комуникацискитехнологии и Европскиот информативен и иновативен центар при Стопанската комораМакедонија - ПРЕЗЕНТАЦИЈА НА ОТВОРЕНИ ПОВИЦИ ЗА КОРИСТЕЊЕ СРЕДСТВА ОД ЕУ
Со цел да се споделат информациите со македонските компании, посебно од ИКТ-секторот, во организација на Здружението на информатичко-комуникацискитехнологии и Европскиот информативен и иновативен центар при Стопанската комора на Македонија се одржа работен состанок за аплицирање на компаниите од секторотна информатичко-комуникациски технологии со проекти на повиците за користењесредства од Европската унија...
http://www.mchamber.mk/(S(53czbm55obtgvs45bdv5vr55))/default.aspx?lId=1&mId=55&evId=25148

17.04.2013 Соопштение

ПРЕЗЕНТАЦИЈА НА ФИНАНСИСКИТЕ ПРОИЗВОДИ НА МАКЕДОНСКАТА БАНКА ЗА ПОДДРШКА НА РАЗВОЈОТ -Здружението на информатичко-комуникациски технологии при Стопанската комора на Македонија и Стопанската комора за информатички и комуникациски технологии за своите членки организираа презентација на финансиските производи на Македонската банка за поддршка на развојот. >>>

ЗАКОН ЗА ЕЛЕКТРОНСКИ КОМУНИКАЦИИ - Во тек е подготовката на новиот текст на Законот за електронски комуникации. Доколку имате Ваши предлози, мислење или сугестии во однос на одредби што би биле дел од новиот Закон за електронски комуникации, доставете ги до Здружението на ИКТ при Стопанската комора на Македонија (за да можеме да ги сублимираме) во следнава форма:

Искористете ја оваа рана фаза на подготовката на новиот текст од Законот, кога се поголеми можностите за Ваше и наше реално учество со посоответни решенија за македонските компании од ИТ секторот

.>>>

09.12.2011 Соопштение

ПРЕДЛОЗИ И СУГЕСТИИ ВО ПРОЦЕСОТ НА ИЗГОТВУВАЊЕТО НА ЗАКОНОТ ЗА МЕДИУМИ >>>

27.01.2010 година

Покана од Седницата на Здружението одржана на 27.01.2010 година

Записник од Седницата одржана на 27.01.2010 година

Одлука за избор на претставник во Собранието на Стопанска комора на Македонија

Одлука за промена на називот за Здружението

24.09.2010 година

Покана за Седница на Здружението на 24.09.2010 година

Предлог- Правилник за организацијата и начинот на работана Здружението за информатичко-комуникациски технологии

Работен материјал за седницата: Обврски на работодавачите согласно Законот за безбедност и здравје при работа

Финални докумнети од Седницата на Здружението одржаа на 24 септември 2010 година:

НАЦРТ-ПРОГРАМА за работа на Здружението за информтичко-комуникациски технологии

Здружението за информтичко-комуникациски технологии е здружение во рамките на Стопанската комора на Македонија, во кое членуваат компании од областа на: ПРОИЗВОДСТВО НА ХАРДВЕР, ДИСТРИБУЦИЈА И ПРОДАЖБА НА ХАРДВЕР, ПРОИЗВОДСТВО НА СОФТВЕР, ЕЛЕКТРОНСКИ КОМУНИКАЦИИ (оператори на мобилни, фиксни, кабелски и др. мрежи и даватели на услуги), образовани од областа на ИКТ, консалтинг ИКТ компании.

Членките во Здружението се партнери, иницијатори и активни учесници во реализација на целите на здружението.

Тела во рамките на Здружението се Управен одбори претседател и заменик-претседател на Здружението. Согласно Статутот и Законот на Комората, Здружението предлага и еден член во Собранието на Стопанската комора , како највисокото тело во структурата на Комората.

Здружението може да соработува со други сродни асоцијации и здруженија во Македонија и надвор од земјата, какао и да членува во соодветни европски и светски организации.

Здружението може да соработува и со други организации при реализација на заеднички проекти од интерес на членките на Здружението.

Доколку постои интерес според Законот може д асе формираат и Групации во рамките на Здружението.

ВИЗИЈА

“Конкурентност, иновативност и регулација на пазарот на ИКТ во Македонија”

МИСИЈА

“Конкурентност, иновативност и регулација на пазарот на ИКТ во Македонија”

СТРАТЕШКИ ЦЕЛИ

ОСНОВНИ ЦЕЛИ НА ЗДРУЖЕНИЕТО

ПРИДОБИВКИ ЗА ЧЛЕНСТВОТО

"Членството е моќ, моќта е информација, информацијата е знаење, знаењето е чекор до успехот".

Со станувањето на активен член на Стопанската комора на Македонија Вие ќе го најдете својот Информатор, Партнер, Советник и свој Промотер на Вашите деловни активности во земјата и странство. Членките на Здружението добиваат:

Напомена: Сите наведени услуги се по повластени цени и услови за компаниите кои се членки, а дел од нив во зависност од типот и организацијата се и бесплатни.