Семинар 31.01.2025
МАПИРАЊЕ НА БИЗНИС ПРОЦЕСИ

Онлајн семинар


Зошто е оваа обука важна за Вашата компанија?

Менаџмент на деловни процеси (Business Process Management – BPM) е збир на различни алатки и техники кои им помагаат на бизнисите да ги подобрат и оптимизираат своите процеси. BPM има за цел да ги подобри внатрешните процеси за да можат организациите полесно и побрзо да ги постигнат своите цели, како што се пониски трошоци и зголемена ефикасност.

Мапирањето на процесите е една од овие техники што подразбира визуелизација на работните текови и обезбедува концизен и јасен преглед на процесите. Тоа е техника што се користи за креирање детална мапа или дијаграм на текови на деловниот процес. Се фокусира на документирање на чекорите, влезовите, излезите и интеракциите вклучени во процесот. Мапите на процесите можат да бидат едноставни или сложени, во зависност од нивото на потребни детали.

Целта на мапирањето на процесите е да се искомуницира како функционира процесот на концизен и јасен начин. Тоа му овозможува на секој член на тимот да може лесно да разбере како да се комплетира даден процес без долги вербални објаснувања. Со мапирање на процес од почеток до крај, можете подобро да разберете како функционира целиот процес и да ги идентификувате неефикасностите или да направите подобрувања.

Со оваа техника, деловните процеси се визуелно поставени, така што секој во вашата организација може да ги разбере и да се придржува до правилното функционирање.

Можете да користите мапирање на процеси за да визуелизирате кој било тип на процес, но вообичаено е да се користат за анализа на процеси, интеграција или подобрување на процесот. 

Кога ги мапирате вашите процеси, можете да добиете јасна визија за тоа како точно се одвиваат процесите, како може да се заштеди време преку елиминирање на непотребни чекори и како да се намали можноста вработените да заборават, превидат или погрешно да извршат некоја работа.

Цел на обуката:

Целта на оваа обука е да се запознаат учесниците со потребата од мапирање на деловните процеси, како да се креира мапа на деловен процес, кои се најдобрите практики, кои се бенефитите и ограничувањата на процесните мапи, кои се најчестите типови процесни мапи.
За кого е наменета оваа обука?
Обуката е наменета за висок и среден менаџмент одговорен за управување со деловните процеси, како и за сите оние кои сакаат да ги унапредат своите знаења и вештини во областа на деловнитe процеси.

Програма:
-    Менаџмент на деловни процеси;
-    Бенефити и предизвици на менаџментот на деловни процеси;
-    Мапирање на процес наспроти моделирање на процес;
-    Што е мапирање на процес;
-    Најдобри практики за мапирање на деловни процеси;
-    За што се користи мапирање на деловни процеси;
-    Зошто е потребно да се мапираат деловните процеси;
-    Како да се креира мапа на деловен процес;
-    Бенефити и ограничувања на процесните мапи;
-    Најчести типови процесни мапи.

Предавач: Проф. д-р Наташа Кралева го има стекнато целокупното високо образование во областа на менаџментот. Д-р Кралева има екстензивно академско искуство од областа на менаџментот и организациските науки на додипломски и последипломски студии на повеќе наши и странски Универзитет-и. Автор е и коавтор на голем број универзитетски учебници и научни трудови. Била рецензент на академски списанија, член на програмски и научни конференциски одбори.
Д-р Наташа Кралева покрај теоретското, поседува и значително практично знаење од областа на менаџментот. Имено, таа има работно искуство во банкарскиот сектор, а потоа работи и како проект менаџер за проекти за Светска Банка. Истотака, во својата долгогодишна универзитетска кариера била и Раководител на студиите по менаџмент и Декан на Факултет за претприемачки бизнис.Нејзино поле на истражување се: општ менаџмент, менаџмент на човечки ресурси, менаџмент на промени, претприемништво, организациско однесување

Сите заинтересирани за учество на оваа онлајн обука можат да се пријават најдоцна до 30.1.2025 година.
 

Пријавен лист

Контакт лица:

м-р Анита Митревска
++ 389 2 3244057

м-р Михајло Донев
++ 389 2 3244067

Стопанска комора на Северна Македонија,
ул. „Димитрие Чуповски“ бр. 13,
1000 Скопје
Контакт центар: (02) 15015

КАЛЕНДАР НА НАСТАНИ

Тренинг обука, 17.02.2025
ЛИЦЕ ОДГОВОРНО ЗА УПРАВУВАЊЕ И/ИЛИ ПОСТАПУВАЊЕ СО ОТПАД
Семинар, 17.02.2025
КАКО РАБОТОДАВАЧОТ ДА СЕ ПОДГОТВИ ЗА ИНСПЕКЦИСКИ НАДЗОР ОД РАБОТНИ ОДНОСИ, КОИ ДОКУМЕНТИ МОРА ДА ГИ ЧУВА ВО ДОСИЕТО НА РАБОТНИКОТ И КАКО ДА УПРАВУВА СО ДОСИЕЈАТА -КОИ МЕРКИ МОЖЕ ДА ГИ ПРЕЗЕМЕ РАБОТОДАВАЧОТ ЗА СПРЕЧУВАЊЕ ПРЕКРШОК И ИЗРЕКУВАЊЕ ГЛОБИ
Семинар, 19.02.2025
ЗАШТИТА НА ЛИЧНИ ПОДАТОЦИ – ОБВРСКИ И ОДГОВОРНОСТИ СО НОВИОТ ПРАВИЛНИК ЗА БЕЗБЕДНОСТ НА ОБРАБОТКАТА НА ЛИЧНИТЕ ПОДАТОЦИ
Семинар, 21.02.2025
РАСКИНУВАЊЕ НА ДОГОВОРИТЕ ЗА ВРАБОТУВАЊЕ СО ОТКАЗЕН И БЕЗ ОТКАЗЕН РОК, ОДЛАГАЊЕ ОД ИЗВРШУВАЊЕ НА РЕШЕНИЕ ЗА ПРЕСТАОК НА ДОГОВОР ЗА РАБОТА, ПРИМЕНА НА ДОГОВОРИТЕ НА ОПРЕДЕЛЕНО ВРЕМЕ, НЕПОЛНО РАБОТНО ВРЕМЕ, ПРОБНА ,ПРИПРАВНИЧКА РАБОТА
Семинар, 25.02.2025
Напредени Ексел алатки за брза работа со податоците
Семинар, 25.02.2025
МАРКЕТИНГ НА КОРПОРАТИВНИ ESG ИНИЦИЈАТИВИ
Семинар, 26.02.2025
“АНАЛИЗА НА ФИНАНСИСКИ ИЗВЕШТАИ СО НАПРЕДНИ ЕКСЕЛ АЛАТКИ”
Семинар, 26.02.2025
Законски рок 31.03.2025 година за ништење документи/записи со изминати рокови на чување, составување комисија за ништење, селекција, складирање и чување на документи, разведување и класифицирање на документи по организациони единици согласно планот
Семинар, 28.02.2025
КОИ СЕ ОПРАВДАНИ ОТСУСТВА ОД РАБОТА?ВО КОЈ РОК РАБОТНИКОТ ТРЕБА ДА ГО ПРИЈАВИ СВОЕТО ОТСУСТВО?ДАЛИ СИТЕ ОТСУСТВА ТРЕБА ДА БИДАТ ОДОБРЕНИ ОД РАБОТОДАВАЧОТ? КОГА БОЛЕДУВАЊЕТО ГО ПЛАЌА РАБОТОДАВАЧОТ?ДАЛИ РАБОТНИОТ ОДНОС МОЖЕ ДА ПРЕСТАНЕ